વડોદરા શહેરના શાસ્ત્રી બ્રિજ પાસે આવેલા રામબાગ સ્થળે આજે બરોડા ક્રિકેટ એસોસિએશન (BCA)ના વર્ષ 2026 થી 2029 સત્ર માટે મહત્વપૂર્ણ ચૂંટણી યોજાઈ છે. સમય મર્યાદા મુજબ સવારે 9 વાગ્યાથી મતદાનની શરૂઆત થઈ છે, જે સાંજે 6 વાગ્યા સુધી કાર્યરત રહેશે.
મતદારોમાં ખાસ્સો ઉત્સાહ જોવા મળી રહ્યો છે. ઘણા સભ્યો ઉંમરલાયક હોવાને કારણે જરૂરિયાત ધરાવતા મતદારો માટે વ્હીલચેરની વિશેષ સુવિધા ઉપલબ્ધ કરાઈ છે. પૂર્વ ક્રિકેટર નયન મંગીયા સહિતના દિગ્ગજો મતદાન માટે પહોંચી રહ્યા છે, જેને કારણે સમગ્ર વાતાવરણ ક્રિકેટમય બની ગયું છે.