વરૂણ, પૂજા અને મૃણાલ સહિતના સેલેબ્સનું અમદાવાદ એરપોર્ટ પર આગમન:વિરાટ કોહલીના હમશકલ યુવક સાથે ફેન્સે ફોટો પડાવ્યા, IPL ફાઈનલની 1.5 કલાકમાં 45 હજાર ટિકિટ વેચાઈ

31 મે, 2026ના રોજ આજે અમદાવાદના મોદી સ્ટેડિયમમાં ગુજરાત ટાઈટન્સ અને રોયલ ચેલેન્જર્સ બેંગ્લોર વચ્ચે IPLની ફાઈનલ મેચ રમાવાની છે, જેને લઈને ક્રિકેટ રસિકોમાં ભારે ઉત્સાહ જોવા મળી રહ્યો છે. અમદાવાદ એરપોર્ટ પર બોલિવૂડ એક્ટર અને એકટ્રેસનું આગમન શરૂ થયું છે. જેમાં વરૂણ ઘવન, પૂજા હેગડે અને મૃણાલ ઠાકુર સહિતના સેલેબ્સ આવી ચૂક્યા છે. જ્યારે સ્ટેડિયમ પાસે લોકોનો જમાવડો શરૂ થયો છે અને આબેહૂબ વિરાટ કોહલીના હમશકલ યુવક સાથે લોકોએ ફોટા પડાવ્યાં. 1.5 કલાકમાં 45 હજાર ટિકિટોનું વેચાણ
IPL 2026 ફાઈનલ મેચની ટિકિટોનું ઓનલાઈન વેચાણ સવારે 10 વાગ્યા બાદ શરૂ થયું હતું. 1.5 કલાકમાં જ 45 હજાર જેટલી ટિકિટોનું વેચાણ થઈ ચૂક્યું છે. સવારના દોઢ કલાકમાં જ 30 ટકા જેટલી ટિકિટોનું વેચાણ થયું હતું. દેશભરમાંથી મોટી સંખ્યામાં ક્રિકેટ રસિકો ફાઈનલ મેચ જોવા માટે અમદાવાદ પહોંચી ગયા છે, ત્યારે આજે મેટ્રો, ટેક્સી, ઓટો રિક્ષા અને ખાનગી કાર સહિતના વાહનોમાં મોદી સ્ટેડિયમ પહોંચી રહ્યા છે. ઉલ્લેખનીય છે કે, અમદાવાદમાં થન્ડર એક્ટિવિટી સાથે હવામાન વિભાગે સામાન્યથી મધ્યમ વરસાદની આગાહી કરી છે, જેના કારણે આજે (31 મે)ના રોજ યોજાનારી ગુજરાત ટાઈટન્સ અને રોયલ ચેલેન્જર્સ બેંગ્લોર વચ્ચે IPL ફાઈનલ મેચ દરમિયાન વરસાદ વિઘ્નરૂપ બની શકે છે. પળેપળની અપડેટ્સ માટે નીચેના બ્લોગમાંથી પસાર થાઓ…