જામનગરના ગ્રામ્ય વિસ્તારમાંથી તાજેતરમાં એક મોટરસાયકલ ચોરી થઈ ગયું હતું, જે અંગે જામનગરના પંચકોસી એ. ડિવિઝન પોલીસ મથકમાં બાઈક ચોરી અંગેની પોલીસ ફરિયાદ નોંધાવાઈ હતી અને પોલીસ ટુકડી બાઈક ચોરને શોધી રહી હતી.
જે દરમિયાન પસાયા ગામની સીમમાં બાવળની ઝાળીમાં પેરવી કરી રહ્યો છે, તેવી બાતમીના આધારે પંચકોશી એ. ડિવિઝન પોલીસે દરોડો પાડયો હતો.જે દરોડા દરમિયાન મૂળ દાહોદના વતની અને હાલ પસાયા ગામની સીમમાં એક પટેલ ખેડૂતની વાડીમાં ખેત મજૂરી કામ કરતા મહેન્દ્ર કનુભાઈ નીનામા નામના ભીલ જ્ઞાતિના શખ્સને અટકાયતમાં લઈ લીધો હતો, અને તેની પાસેથી બે ચોરાઉ મોટરસાયકલ કબજે કર્યા હતા.