Rajkot Crime News: રાજકોટ જિલ્લાના જસદણમાં આજે માનવતાને શર્મસાર કરતી એક હૃદયદ્રાવક ઘટના સામે આવી છે. અહીં કોઈક નિર્દયી માતા-પિતા તેમના નવજાત શિશુને જન્મ આપ્યા બાદ જીવતું જ કાંટાની વાડમાં ફેંકીને ફરાર થઈ ગયા હતા.
મળતી માહિતી મુજબ જસદણા ગંગા ભુવન વિસ્તારમાં આવેલા પ્રમુખ પાર્ક નજીક એક કાંટાની જાળીમાંથી નવજાત શિશુ મળી આવ્યું હતું. આ માસૂમ બાળક છેલ્લા બે કલાકથી કાંટામાં ફસાયેલું રડી રહ્યું હતું. આસપાસના લોકોને બાળકના રડવાનો અવાજ સતત સંભળાતો હતો, પરંતુ અવાજ ક્યાંથી આવી રહ્યો છે તે શરૂઆતમાં સમજાતું ન હતું.