Surat Rain Update : બંગાળની ખાડીમાં થયેલા ડિપ્રેશનના કારણે સુરત સહિત ગુજરાત અને અન્ય રાજ્યોમાં કમૌસમી વરસાદ વરસી રહ્યો છે. આ વરસાદના કારણે શિયાળાની શરૂઆત સાથે જ તાપી નદી પર બનેલો ઉકાઈ ડેમ તેની ભયજનક સપાટી પર પહોંચી ગયો છે. ઉકાઈની ભયજનક સપાટી 345 ફૂટ છે અને બપોરે બે વાગ્યે ડેમ 345.02 ફૂટ પર પહોંચી ગયો છે. ઉકાઈ ડેમમાં પાણીની આવક 46418 ક્યુસેક છે તેથી ડેમમાંથી 46418 ક્યુસેક પાણી ડિસ્ચાર્જ કરવામાં આવી રહ્યું છે જેથી તાપી નદી બંને કાંઠે વહેતી થઈ છે અને સુરતમાંથી પસાર થતો કોઝવે પણ ઓવરફ્લો થઈ ગયો છે.