અમદાવાદ શહેરના વ્યસ્ત ગણાતા પાલડી વિસ્તારમાં આજે એક સનસનાટીભરી ઘટના સામે આવી છે. અહીં આવેલી ફાલ્કન ટ્રાવેલ્સની ઓફિસમાં એક અજાણ્યા પાર્સલમાં અચાનક ભેદી ધડાકો થતા અફરાતફરી મચી ગઈ હતી. આ ધડાકો એટલો તીવ્ર હતો કે ઓફિસના બોર્ડ અને અન્ય ફર્નિચરને પણ ભારે નુકસાન પહોંચ્યું છે. સદનસીબે, આ ઘટનામાં કોઈ જાનહાનિના સમાચાર હજુ સુધી પ્રાપ્ત થયા નથી. આ ઘટનાને પગલે સ્થાનિક પોલીસ અને ઉચ્ચ અધિકારીઓનો કાફલો ઘટનાસ્થળે દોડી આવ્યો છે. પાર્સલ ક્યાંથી આવ્યું હતું અને તેની અંદર એવી કઈ વસ્તુ હતી જેના કારણે આ ધડાકો થયો, તે હાલ તપાસનો વિષય બન્યો છે. એફ.એસ.એલ. (FSL) ની ટીમની પણ મદદ લેવામાં આવી રહી છે જેથી પાર્સલમાં રહેલા વિસ્ફોટક કે કેમિકલના અંશો જાણી શકાય.
भारत की आवाज
