Jamnagar Accident : જામનગર નજીક દરેડ પાસે એક બાઈક અને કાર વચ્ચે અકસ્માત સર્જાયો હતો, જે અકસ્માતમાં બાઈક પર નીકળેલા એક દંપતિ અને તેના બે બાળકો સહિત 4 વ્યક્તિને નાની મોટી ઈજા થવાથી જી.જી.હોસ્પિટલમાં ખસેડાયા છે. પોલીસે કાર ચાલક સામે ગુનો નોંધ્યો છે.
આ બનાવની વિગત એવી છે કે જામનગરમાં કાલાવડ નાકા બહાર ટીંબાફળી માં રહેતો અને ડ્રાઇવિંગ કામ કરતો મહેશ દિલીપભાઈ પરમાર નામનો 34 વર્ષનો સતવારા યુવાન ગત 27 ફેબ્રુઆરીના રોજ પોતાના બાઈકમાં પત્ની રીટાબેન, પુત્ર શુભમ (8 વર્ષ) અને પુત્રી હિરલ (11 વર્ષ) વગેરેને બેસાડીને જામનગરથી ખંભાળિયા ગયો હતો, અને ખંભાળિયાથી પોતાના ઘરે પરત ફરી રહ્યા હતા.