જૂની અદાવતને લઈને 9 શખ્સોએ હુમલો કર્યાનો આક્ષેપ, માતર પોલીસ મથકે ફરિયાદ નોંધાઈ
ખેડા જિલ્લાના માતર તાલુકાના લવાલ ગામે સોશિયલ મીડિયા પર રિલ્સ અપલોડ કરવાના મુદ્દે થયેલા વિવાદે ઉગ્ર સ્વરૂપ ધારણ કર્યું હોવાની ઘટના સામે આવી છે. ગામના પ્રવેશદ્વાર પાસે બે વ્યક્તિઓ પર ટોળાએ હુમલો કર્યાની ફરિયાદ માતર પોલીસ મથકે નોંધાવવામાં આવી છે. બનાવમાં ક્ષત્રિય સમાજના આગેવાન મહિપતસિંહ ચૌહાણના પુત્ર કૃષ્ણપાલસિંહ સહિત તેમના ભાઈને ઈજા પહોંચ્યાનું ફરિયાદમાં જણાવાયું છે.
મળતી વિગતો મુજબ, મહિપતસિંહ ચૌહાણના પરિવાર તરફથી સોશિયલ મીડિયા પર સમાજસેવા તથા લોકહિતલક્ષી પ્રવૃત્તિઓને લગતી રિલ્સ અને વીડિયો અપલોડ કરવામાં આવતા હતા. આ બાબતે ગામના કેટલાક લોકો સાથે અગાઉથી અદાવત હોવાનો ફરિયાદમાં આક્ષેપ કરવામાં આવ્યો છે.
દરમિયાન કૃષ્ણપાલસિંહ ચૌહાણ લવાલ ગામના મુખ્ય પ્રવેશદ્વાર પાસે હાજર હતા ત્યારે કેટલાક શખ્સો ત્યાં પહોંચ્યા હતા. સોશિયલ મીડિયા પર રિલ્સ મૂકવાના મુદ્દે બોલાચાલી થયા બાદ મામલો ઉગ્ર બન્યો હતો અને કૃષ્ણપાલસિંહ પર હુમલો કરવામાં આવ્યો હોવાનો આક્ષેપ છે.
હુમલા દરમિયાન થયેલા ઝઘડાનો અવાજ સાંભળીને પરિવારના ભાઈ વચ્ચે બચાવવા પહોંચ્યા હતા. આ સમયે તેમના પર પણ હુમલો કરવામાં આવ્યો હોવાની ફરિયાદમાં નોંધ કરવામાં આવી છે. ઘટનાને પગલે બંને ઈજાગ્રસ્તોને સારવાર માટે હોસ્પિટલ ખસેડવામાં આવ્યા હતા.
બનાવ બાદ ભોગ બનનાર પક્ષ દ્વારા માતર પોલીસ મથકે ફરિયાદ નોંધાવવામાં આવી હતી. ફરિયાદના આધારે પોલીસે કુલ 9 શખ્સો સામે ગુનો નોંધી કાયદેસરની કાર્યવાહી શરૂ કરી છે. આરોપીઓની ધરપકડ સહિતની આગળની કાર્યવાહી પોલીસ દ્વારા હાથ ધરવામાં આવી રહી છે.
લવાલ ગામે મારામારીના મામલે 9 શખ્સો સામે માતર પોલીસમાં ફરિયાદ
ખેડા જિલ્લાના માતર તાલુકાના લવાલ ગામે બનેલી મારામારીની ઘટનાને પગલે માતર પોલીસ સ્ટેશનમાં કુલ 9 શખ્સો સામે ફરિયાદ નોંધાવવામાં આવી છે. ફરિયાદમાં નીચેના આરોપીઓના નામ સામે આવ્યા છે:
મહાવીરસિંહ કિશોરસિંહ ચૌડાણ
હંસરાજસિંહ ચન્દ્રસિંહ જાડેજા
જયપાલસિંહ અજીતસિંહ ચૌહાણ
રોનકસિંહ મહેન્દ્રસિંહ મહીડા
વિશાલ જોરૂભા ચૌહાણ
ધ્રુવરાજ ભરતસિંહ વાઘેલા
કિશોરસિંહ મનુભાઈ ચૌહાણ
મહેન્દ્રસિંહ તખુભા મહીડા
ચન્દ્રસિંહ નટવરસિંહ જાડેજા
ફરિયાદના આધારે માતર પોલીસે સમગ્ર મામલે તપાસ હાથ ધરી છે. ઘટનાને લઈને પોલીસે ફરિયાદમાં દર્શાવાયેલા આરોપીઓની ભૂમિકા અંગે તપાસ શરૂ કરી છે.
ઘટનાને પગલે લવાલ ગામમાં થોડા સમય માટે તંગદિલીનો માહોલ સર્જાયો હતો. સમગ્ર મામલે પોલીસ દ્વારા તપાસ હાથ ધરી હુમલાનું ચોક્કસ કારણ તથા ઘટનાક્રમ અંગે વધુ વિગતો એકત્ર કરવામાં આવી રહી છે.
The Gujarat Live News ગોવાભાઈ આહીર પાટણ