ઓગસ્ટ અને સપ્ટેમ્બર મહિનામાં પડેલા ભારે વરસાદને કારણે પાકને મોટાપાયે નુકસાન થતા રાજ્ય સરકારે ખેડૂતોને રાહત આપતા કુલ ₹947 કરોડના સહાય પેકેજની જાહેરાત કરી છે.
આ પેકેજમાં કેન્દ્ર સરકારનો ₹563 કરોડ અને રાજ્ય સરકારનો ₹384 કરોડ નો ફાળો છે.
આ યોજના હેઠળ ગુજરાતના 5 જિલ્લા, 18 તાલુકા અને આશરે 800 ગામના ખેડૂતોને લાભ મળશે.
ખેડૂતો માટે સહાયની વિગતો
બિનપિયત પાકો માટે: ₹12,000 પ્રતિ હેક્ટર સહાય (મર્યાદા 2 હેક્ટર)
પિયત પાકો માટે: ₹22,000 પ્રતિ હેક્ટર સહાય (મર્યાદા 2 હેક્ટર)
બાગાયતી પાકો માટે: ₹27,500 પ્રતિ હેક્ટર સહાય (મર્યાદા 2 હેક્ટર)
વધારામાં, વાવ, થરાદ અને પાટણ જિલ્લાના ખેડૂતોને જમીન સુધારણા માટે વિશેષ સહાય મળશે — પ્રતિ હેક્ટર ₹20,000 (મર્યાદા 2 હેક્ટર) મુજબ.
સરકારના જણાવ્યા મુજબ,
આ સહાય પેકેજ ભારે વરસાદથી નુકસાન પામેલા ખેડૂતોને ખેતી પુનઃસ્થાપિત કરવામાં મદદરૂપ થશે અને આગામી વાવણી માટે જરૂરી આર્થિક ટેકો પૂરો પાડશે
The Gujarat Live News ગોવાભાઈ આહીર પાટણ