Vapi Police : વાપી-સેલવાસ રોડ પરના ભડકમોરા વિસ્તારમાં રોડ નજીક આજે સોમવારે યુવાનની શંકાસ્પદ હાલતમાં લાશ મળી આવતા ચકચાર મચી ગઇ હતી. પોલીસનો કાફલો દોડી ગયા બાદ પંચનામું કરી લાશનો કબજો લઇ મૃતકની ઓળખ કરવા કવાયત આદરી છે. મૃતકના શરીર પર હુમલાના નિશાન મળી આવતા હત્યાની આશંકા વ્યક્ત કરાઇ છે.
પ્રાપ્ત અને ઘટના સ્થળેથી મળતિ વિગત મુજબ વાપી-સેલવાસ રોડ પરના ભડકમોરા વિસ્તારમાં રોડ નજીક લારી પાસે આજે સોમવારે વહેલી સવારે રાહદારીએ અજાણ્યા યુવાનની લાશ જોતા લોકોને જાણ કરતા આસપાસના લોકો એકત્રિત થઈ ગયા હતા.